'बच्चा पाउने बेला मेरो ४१ बच्चाको २ किलो थियो'

अञ्जु पन्त, गायिका-
१. दाजुबहिनी कति जना ?
जम्मा ६ जना थियौं। एक दाजुको निधन भइसक्यो । त्यसैले हाल २ दाजु, २ दिदी र म गरी ५ जना छौं। मचाहिँ सबैभन्दा कान्छी छोरी हुँ।


२. कतिवटा एल्बम निकाल्नुभयो?
मैले एकल एल्बम दुइटामात्र निकालेकी छु। काम चाहिँ ७ सयभन्दा बढी एल्बममा गरिसकेकी छु। फिल्मकै झन्डै ४ सय गीत गाएकी छु। फिल्मी गीतले नै श्रोतामाझ परिचय दिलाएको हो। अब केही फरक गीत गाउने इच्छा छ।


३. कति घन्टा सुत्नुहुन्छ?
साधारणतया ६ घन्टा निदाउँछु। कहिलेकाहीँ धेरथोर पनि हुनसक्छ। बिहान सबेरै उठ्न सके शरीर दिउँसोभर फ्रेस हुन्छ। त्यसैले चाँडै उठ्ने गर्छु। जाडोमा चाहिँ ओछ्यान छाड्न मन लाग्दैन।

४. स्कुलमा कतिपटक फेल हुनुभयो?
स्कुले जीवनमा कहिल्यै फेल भएको छैन। म जहिले पनि फस्ट वा सेकेन्ड हुने विद्यार्थी थिए। अझ गणित मेरो मन पर्ने विषय थियो। कहिलेकाहीँ थोरै नम्बर आउँदा नरमाइलो लाग्थ्यो।

५. दिनमा कति कप चिया?
आजकल ६ कप कालो चिया नभई हुन्न। गर्मीमा पनि तीन पटक पिउँछु। जाडोमा मसरूम सुप र कालो चियाको लत लाग्दो रहेछ।

६. शरीरको तौल कति?
करिब तीन महिनाअघि ४२ केजी थिएँ। जाडोमा केही मोटाएको अनुभव गरेकी छु। सबैभन्दा बढी तौल भनेको बच्चा पाउँदा थियो होला। मेरो तौल ४१ र बच्चाको २ केजी थियो।

७. दिनमा कति मिनेट पैदल हिँड्नुहुन्छ?
लगभग एक घन्टा हिँड्छु। बिहान वाककै बहानामा कहिले पशुपति त कहिले स्वयम्भु हिँडेरै जान्छु। धुम्बाराही वरपर पनि धेरै हिँड्छु।

८. हरेक दिन फोनमा लगभग कति घन्टा बित्छ?
धेरै काम फोनबाटै हुने हुदा लगभग पाँच घन्टा त सामान्य नै हो। फोन भएन भने मैले कामको समय मिलाउन गाह्रो पर्छ।

१०. लक्की नम्बर कुन हो?
म नम्बरमा विश्वास गर्छु। ५ र ६ मेरा लक्की नम्बर हुन्। यो दुवै नम्बर ज्योतिषीले जुराइदिएका हुन्। शुभकार्य गर्दा यसै दिनमा गर्ने गरेकी छु।

साभार: नागरिक न्यूज़